Kalaallit Nunaanni Naatsorsueqqissaartarfiup siulersuisui ullumikkut ileqquusumik upernaakkut ataatsimiipput. Siulersuisut nalinginnaasumik ukiumut pingasoriarlutik naapittarput.
Siulittaasunut ilaasortat ukuupput:
Vøgg Løwe Nielsen (Siulittaasoq)
Kim Neumann Nielsen
Lulu Nielsen
Mitdlaraq E. Lennert
Tønnes Berthelsen
Siulersuisut nutaamik inissitsiterput – aqutsisoqarfimmi pisortaq Kim Neumann Nielsen siulittaasup tullinngortillugu qinerneqarpoq. Vøgg Løwe Nielsen siulittaasutut nangeqqilluni inissippoq.
Ataatsimiinnermi siulersuisut Naatsorsueqqissaartarfik ukiumoortumik 2016-imut nalunaarusiaani Ingerlatitsinermullu pilersaarut 2017-2020 akuerivaat. Naatsorsueqqissaartarfiup inatsisaa tunngavigalugu ataatsimiinnermi iluarsiissutissatut taakkartorneqartut aaqqinneqareerpata nutserneqareerpatalu Ukiumoortumik nalunaarusiaq aamma Ingerlatitsinermut pilersaarut Naalakkersuisunut tunniunneqartussaapput. Ukiumoortumik nalunaarusiaq Ingerlatitsinermullu pilersaarut ataatsikkut Kalaallit Nunaanni Naatsorsueqqissaartarfiup nittartagaannut www.stat.gl-imut ilineqarumaarput.
Siulersuisut aamma oqaluuserivaat, Aalisakkanik tunisassianut Kalaallit Nunaanneersunut nalitusaaviit pillugit aningaasaqarnikkut misissueqqissaarnermut tunngasup saqqummersinneqarnissaa. Aalisakkanik tunisassianut Kalaallit Nunaanneersunut nalitusaaviit pillugit aningaasaqarnikkut misissueqqissaarnermut tunngasup Naatsorsueqqissaartarfiup Aningaasaqarnermut Akileraartarnermullu Naalakkersuisoqarfik isumaqatigereerlugu, Københavns Universitetimiit aalisarnermik ilisimatuumut inniminnigarivaat. Naatsorsueqqisaartarfiup siulersuisuisa innersuussutigivaat misissukkap ungasinngitsumi nittartakkakkut avammut saqqummiunneqarnissaa, taamatut innersuussinermut tunngaviuvoq tamanit soqatigineqarnerujussua.
Taakku saniatigut Siulersuisut ataatsimiitsitaliamik pilersitsipput, ataatsimiitsitaliamut ilannguttut tassaapput siulittaasoq siulittaasullu tullia. Ataatsimiitsitaliap suliarissavaa siulersuisunut Kalaallit Nunaanni Naatsorsueqqissaartarfimmut inatsisip, tassunga ilanngullugu ilaasortassanik qinersisarnermut tunngasumik nutarsaanissamut saqqummiussinissaq. Inatsimmik allannguineq tatiginassutsip Naatsorsueqqissaartarfimmi sulianut pingaaruteqaqisup ataavartinneqarnissaa aamma nukittorsarneqarnissaa eqqarsaatigalugit. Tatiginassutsip nunani avannarlerni naatsorsueqqissaartarfinni qanoq isilluni qularnaarneqartarnera ataatsimiitsitaliamit misissugassat ilagissavaat. Tassunga taputartuullugu aamma ataatsimiitsitaliap misissussavaa Europami maanna tatiginassusermik patajaannerulersitsiniarneq.
Siulersuisut sinnerlugit
Vøgg Løwe Nielsen
Siulersiuisut siulittaasuat
Mobil: +299 221262
+45 41318203